日做夜做‧找到意義嗎?

今日都係日做夜做，自己係度做，自己plan要做乜，one man team... d野好似做極都做唔完咁。

回家後，睇完朋友俾我既guru guru 魔法陣 2，個結局都係打唔到魔王紀力。其實都估到，如果唔係邊有第三集。唉，都係睇極都睇唔完咁。

用一星期看完 38集卡通，只想令到自己好似可以完成一件事咁，到頭來又係咁...

到底幾時先完呀... 係我自己定左個無止境既目標？定係我高估左自己既能力而去定目標？還是不停有新目標加入令自己停唔到？第三個有d似係。如果有十樣野做，做完五樣中途又加五樣，做完三樣又加四樣，好似真係會做唔完。

我幾時會做完四樣先加一樣？我幾時可以唔加目標？個陣已經找唔到意義去做。有目標，係因為有意義同方向，無論可唔可以解釋既意義。

但我卻行屍走肉咁去做，又有咩意義...