午飯之後 , 我通常會看看yahoo報紙 , google 日曆和facebook , 但今天發現.... facebook 被公司定為 "personal and sharing site..." 被禁止了~
其實 facebook 裡面有些程式上兩個星期已列為遊戲網頁 , 卻沒有影響 facebook 的運作 , 可看到朋友的留言 , 又可以做些興趣測試 , 唉~~
有時也會想 , 我們曾經去過的網頁都會有紀錄 , 當網站的hit count 多過一定數目時 , 便會有人把它加入 block list . 今次是估不到他們會用 "personal and sharing" 的理由禁止它 .
個人及分享的網頁 , 其實哪個不是 ? 網頁發明的原意也是這樣 . 我公司的網上理財可不是個人網頁麼 ? 同事們每天又不是透過網頁買賣股票和看看金魚缸 . 又不禁了它 .
下次可能 yahoo 報紙也因為是新聞分享的理由而消失了....
這幾星期 , 當自己一個睡覺時都失眠 , 腦子不停想著這個那個 , 一天睡不了五小時...快死
不論工作及其他生活上都有好多 deadline , 可能就是這個原因 ,
例如...
十月尾至十一月中有工作要完成...
星期六幫朋友搞婚禮...
弟弟畢業禮...
中學畢業禮...
織頸巾...
砌keroro模型...
練長笛 (都還是好差)...
擇日子 (呵呵) ....
等等....
現在發覺工作對我的重要性低了好多 , 可能人生只是第四位都未必有 ,
卻花了我一半的時間 , 好想早點回家 , 因為實太少工餘時間去滿足我其他的生活...
星期六幫朋友搞婚禮 , 雖然會有好多事要幹 , 但朋友都係要幫...
要請假出席兩個畢業禮 , 弟弟第一次穿袍 , 一定要去 , 中學畢業禮可以考慮下不去 , 但已經請了假...
冬天又到 , 又是給至愛溫暖的時候 , 其實他的頸巾也很多 , 但我卻不想因為太忙而忽略他...
兩星期才可完成一副keroro模型 , 買了一共十五副 , 砌了十副 , 只是好少的娛樂 , 但又好想看到一排十五隻站立的風彩...
一星期只能花四至五小時去練長笛 , 其實可以遲些考試 , 但好想練好 d ...
擇日子... 未有太多實質的事要做 , 但在腦海中揮之不去 , 每天也想著結婚時的情景 (相信每個女人都會想) , 哪裡停得下來....
一個 但 字 , 令我的心情平靜不了 , 但 不是一定要的 , 只是說服不到自己... 又鑽牛角尖了...
感冒未好, 鼻塞塞, 好辛苦....
有好多人問我, 放假有什麼好做... 我都說忙得不可開交,
可以跟好久不見的朋友談談, 又可以練習下長笛, 又可以做下facial,
又可以陪老人家及男朋友出外旅遊, 又為朋友做網頁design, 時間不太緊但好充實,
以前試過在家睡覺, 看一天電視, 但到頭來比上班還累,
睡得太多反而頭痛....
放長假期, 花了很多時間去練習長笛, 今次要下定決心去考級,一考要考五級.
以前, 覺得自己好容易放棄, 好像打羽毛球, 當覺得自己打得差就停練, 所以都沒有太多機會比賽.
上大學之後, 性格好像有點變了, 學會專心做一件事, 而且可以同時專心做幾件事, 學習成績當然不錯, 最重要的是學任何事都不會害怕, 我明白自己是有恆心有忍耐力去完成.
簡單說, 忍受害怕面對失敗的心情. 做一件事, 花了好多心機, 但怕見到最後是失敗,
好多人會在自己未負出太多時已經放棄了,
我也害怕失敗, 我會忍過去, 所花的時間和心機已給別人覺得太多, 但我成功的機會是高過九成,
一成在哪? 是在人際關係上, 但這個太主觀了, 我也在努力中......
有個朋友有感情煩惱，喜歡了一個不喜歡自己的人，又有一個自己不喜歡的人喜歡自己。
每天好像不理不理，心裡又好似拉鋸般想著，但卻不為此做點事，我是他也覺得辛苦。
記得很久以前都有這個感覺，這事情不是放在一面就可以自己消失，
要解脫就要硬著頭皮做點事。誰也不願做令自己難受的事，誰也不願被拒絕，可是這種事總有機會要做。
要令拒絕過自己的人喜歡自己，要比其他人都負出得多，要比其他人都厚面皮。如果發現係根本的問題，就要敢於放手，心裡真正的放手是要好大決心，放了手就別讓自己留在傷心的地方。
要面對喜歡自己的人，先要想想是否有機會與她一起，如果有，可以給別人一個機會，想一想，正如你也是等著別人一個機會一樣，你也可以想像到她有多辛苦。
如果又是根本的問題，就要厚著面皮對她說清楚，不是要你傷害她，可以說得婉轉些。 例如
「你是個好女仔，只是我已經有自己喜歡的人，我的心好細，只能容納一個人...。」
那不是說她不好，只怪timing不好。
你會嗎？
今日係Datastage training 既最後一日, 因為一早做好左個lab execise, 所以有多半日假放.
好熱, 去街行左一陣都差唔多中暑, 所以留係屋企休息下.
無聊左d, 走去google search下朋友既email 名, 又search左自己名, 哈, 自己都有幾多link架喎
找到另一個人既blog, 咪就係 "佢"囉, 我仲見到應該係佢女朋友個blog既link. 哈, 識佢咁耐都唔知佢有寫blog. 不過佢都可能唔知我都有寫下.
係一個朋友既婚宴見返"佢", 除左肥d, 個人都係無乜變
佢突然間都話要入 HSBC 做, 仲有可能同我一個DEPT, 如果變成同事, 仲要一齊做野... li個世界真係好細....
上次講做野唔開心, 真係同老闆講左辭職, 好唔開心咁做左個決定.
已經係自己一個人做野, 個個都係一team人做, 而我就係一個人做, 傾野又無我份,
每日聽到隔離位果個人, 又唔係做野, 日日係到講股經. 又dump地,
大呼小叫, 仲要同li d 人合作, 做好自己d野又唔理人d 野, AL又唔鍾意做醜人, 自己食晒.
同 AME講左, 已經唔係第一次講想走, 佢都已經唔係第一次要留我, 佢話什麼人才或人工,
其實都唔係太重要, 做得唔開心多多錢都無用, 行屍走肉咁做野, 又訓唔到, 做乜都無心機,
我同AL講, 佢竟然話 "真架?" 真係俾佢激死, AME真係同我傾, 而且可以俾承諾我, 可以任我調team. 最緊要係可以即刻調位, AME講, 佢話其他人走佢都未留過, 係有d感動, 仲好有誠意,
諗左兩日, 用一個上午, 搬位連轉team, 隔離既人都唔知我走, 直至我搬完, 上返16 樓, 感覺都真係好好, 不單只靜, 周圍既人都好有善, 而且仲跟左好warm 既 EM做野, 又有心機教我, 仲可以學 Mainframe 同 Datastage.
唔係我自己吹, 我有盤植物, 係以前間公司種佢個陣有花, 葉又綠, 自從係果個位真係就黎死, 一搬左16樓, 成棵野有番生氣, zoey 就話係因為環境寧靜, 植物係生得好好多, 無左果個人係附近, 人都開心左, 又集中精神左, 有人會同我打招呼, 有人會問下我, 有人會叫我食tea. 而家先覺得係返工
真係好擔心 AME個病, AL話佢病左, 而休息半個月, 可能真係太累啦. 做到佢個位就會真係一個人話晒事, 但唔係個個都可以幫都佢. 我要留係度唔多唔少都想同佢分擔d工作, 可以做既我都會做, 希望佢早d好返啦.
今日都係日做夜做，自己係度做，自己plan要做乜，one man team... d野好似做極都做唔完咁。
回家後，睇完朋友俾我既guru guru 魔法陣 2，個結局都係打唔到魔王紀力。其實都估到，如果唔係邊有第三集。唉，都係睇極都睇唔完咁。
用一星期看完 38集卡通，只想令到自己好似可以完成一件事咁，到頭來又係咁...
到底幾時先完呀... 係我自己定左個無止境既目標？定係我高估左自己既能力而去定目標？還是不停有新目標加入令自己停唔到？第三個有d似係。如果有十樣野做，做完五樣中途又加五樣，做完三樣又加四樣，好似真係會做唔完。
我幾時會做完四樣先加一樣？我幾時可以唔加目標？個陣已經找唔到意義去做。有目標，係因為有意義同方向，無論可唔可以解釋既意義。
但我卻行屍走肉咁去做，又有咩意義...
